កម្លាំងនគរបាលទទួលការងារ បង្ការ ពន្លត់អគ្គិភ័យ និងសង្គ្រោះ ចេញអន្តរាគមន៍ ពន្លត់អគ្គិភ័យ បានទាន់ពេលវេលា
09-December-2019 | ដោយ ពលមនសិការ
កំពង់ធំ៖ នៅថ្ងៃចន្ទ ១៣កើក ខែមិគសិរ ឆ្នាំកុរ ឯកស័ក ព.ស២៥៦៣ត្រូវនិងថ្ងៃទី០៩ ខែធ្នូ ឆ្នាំ២០១៩ វេលាម៉ោង០៥ និង៣០នាទី មានករណីអគ្គិភ័យឆេះរថយន្ត០១ករណី ស្ថិតនៅតាមបណ្តោយផ្លូវជាតិលេខ០៦អា ចំណុចវាលសរសៃ ភូមិសូយោង ឃុំសូយោង ស្រុកតាំងគោក ខេត្តកំពង់ធំ។
រថយន្តដែលត្រូវអគ្គិភ័យឆាបឆេះ ម៉ាកហ៊ីយ៉ាន់ដាយពណ៌ស ស្លាកលេខ កំពង់ចាម 3A-4012 បើកបរដោយឈ្មោះ ខុន រាជ ភេទប្រុស អាយុ៣៦ឆ្នាំ មានទីលំនៅភូមិចាជ្រុំ ឃុំគឿងរាយ ស្រុកកញ្ជៀច ខេត្តព្រៃវែង។
ម្ចាស់រថយន្តឈ្មោះ ស៊ាង ផាត ភេទប្រុស អាយុ៤៦ឆ្នាំ មានទីលំនៅភូមិ ក្បាលហុងចាស់ ឃុំល្វា ស្រុកចំការលើ ខេត្តកំពង់ចាម(ដឹកអុសម៉ែត្រ)។ ខូចខាត ឆេះប្រហែល៣០%។
កិច្ចប្រតិបត្តិការ ពន្លត់អគ្គិភ័យ នៅចំណុចខាងលើនេះដែរ កម្លាំងចូលរួមប្រមាណ១០នាក់, រថយន្តអគ្គិភ័យចំនួន០១ គ្រឿង,ប្រើប្រាស់ទឹកអស់ចំនួន០១ រថយន្តស្មើនឹង០៤ ម៉ែត្រគុប,ប្រើប្រាស់បំពង់ពន្លត់អគ្គិភ័យចំនួន០៣បំពង់ ទើបរលត់ទាំងស្រុង។
យោងតាមការស្រាវជ្រាវពិនិត្យនៅទីកន្លែងកើតហេតុមន្ត្រីជំនាញ បានដឹងថា មូលហេតុ ដែលបង្ករឲ្យមានអគ្គិភ័យ កើតមានឡើងគឺបណ្ដាលមកពីរថយន្ត ជាប់ហ្វាំងក្រោយ ទើបបណ្ដាលឲ្យអគ្គិភ័យកើតមានឡើង៕
ចំនួនអ្នកទស្សនា
- ថ្ងៃនេះ18241
- ម្សិលមិញ15681
- សប្តាហ៍នេះ77081
- ខែនេះ98961
- ឆ្នាំនេះ98961
- សរុប20541417